هنالك الهوجة و في مصر و سوق الدواء المصري هو الهوجة في أسوأ صورها الممكنة لديك :
١- شركات بتصنع مكملات غذائية بالهبل و فيتامينات ما أنزل الله بها من سلطان لكل من هب و دب و أعملك مكتب توزيع و عيش يابا.
٢- مصانع مثل مصانع أبوشخة للأدوية تصنع كل زبالة الأدوية من أردأ المواد الأولية و أشرب يا عم المريض و ابقى قابلني لو خفيت في سنتك.
٣-مصانع حكومية او شبه حكومية بيعبوا الدوا بالكوز و في حلل و لا اللي بيعبوا لا مؤاخذة يعني من بكابورتات.
٤-شركات توزيع و مخازن على كل لون يا باتيستا إشي مخزن المحروق للأدوية المشمومة و إشي مهربين بيخشوا عيني عينك يبيعوا الكامجرا و السلاجرا و البتنجان الأزرق و أهو كله زايط.
٥- خريجين و خريجين و صيادلة و صيادلة كل عام و كأننا في مسابقة تخريج أكبر عدد حتى يكون هناك صيدلي لكل سمكري.
٦- كليات خاصة و شبة خاصة و عامة و شبه عامة و متخصصة و متمنجسة و انترناشونال و غير ناشونال و كل ما تتمناه ادفع تلاقي لكل الطواقي.
٧- بطيخ و مانجة و كوافيل و بامبرز و بلا أزرق بيتباع جوة الصيدلية.
٨- هناك اليوم الصيدلي بتاع المخدرات و الصيدلي اللي بيبيع للحبايب بس المخدرات عشان حرام و كدة يبيع لحد ما يعرفوش.
٩-صيادلة اصحاب ملايين و صيادلة اصحاب عيا و اهو كله عايش.
١٠- الخلاصة عدم تنظيم و مولد مالوش صاحب شفتوا بقى ازاي دا موضوع مالوش آخر أصلاً.
ليست هناك تعليقات:
إرسال تعليق