أكل صحي النهاردة

النهاردة شوربة سمك و سلطة في علبة شبه علبة الكشري بتاع صبحي
شوربة السمك أنا مش باستكيف منها بس هي افضل حاجة موجودة كله النهاردة في القايمة كان خنازير برية و انا زهقت من الخنازير في الأكل و التعامل هعهعهعهعهعهع

بنطلون سلفي هعهعهعهع

من كام يوم إشتريت زنطلون المهم أنا كنت معجب بيه جداً و بسعره و مستكنيص جداً و أنا باشتريه بس البروبررم إنه طلع قصير قزعة و أنا كنت بأشتريه عمال أفكر المقاس لية مختلف عن اللي بأشتريه كل مرة.
يعني إية الرقم الأخير يكون ٣٠
الواحد ممكن يعمله شورت لأنه فضيحة لما باقعد خلاص بيكون هيظهر البوكسر تقريباً هعهعهههعهع
مش عارف إيه الحل؟
المهم اشتريت بنطلون تاني نفس المقاس بس رجله اطول
أتاري البناطيل رجليها قصيرة و طويلة و الله ما كنت أعرف
بس الواحد ممكن يخش الجنة علي طريقة الوهابيين بالبنطلون اللي فوق الصدر دة هعهعهعهعهع؟

ميعاد الأكل اليومي

ميعاد الطعام و القهوة هعهعهعهع
لازم أظبطكم كل يوم

كيكة بالحاجات

مش عارف اية اللي كان فوق الكيكة دي بس طعمه كويس
بيتهيألي ممكن يكون معمول من الخنازير الإستوائية هعهعهعهعهع

شوكولاتة بالموز و جوزة الهند

و النبي حد يستطعم شوكولاتة زي دي بعد الأكل و مع القهوة؟ عيال معفنة

المتحولون

مشكلة المرأة التي تحب الرجل -حقيقي و بشدة- أنها لو إنتهت العلاقة أو حدث لها شئ فلا حلول وسط.
فلا تتحول العلاقة لصداقة أو معرفة طيبة و لا إلى حتى مجرد تحية عند اللقاء.
لماذا يتحول حبيب الأمس و( حلم حياتي) و (مشروع عمري) إلى مجرد.... (إبن كلب واطي) أو على أحسن الفروض بني آدم بيئة طحن.
لماذا تحولت النكتة الحلوة و (دمه خفيف موت) ل... (دم أمه يلطش).
هكذا رأيت كثير من العلاقات تتحول من قمة الفرفشة و الدلع و الإنسجام ل.. عواصف و زعابيب و شتائم و تفتفة و إشارات باليد.
أحد الأصدقاء كانت صديقته حينما خلعها قد توجهت لمكتب عميد الكلية و تقدمت بشكوى رسمية ضده!!!!.
إحداهن حينما حاول إنهاء العلاقة جاءت بصديقاتها و حاصرنه و فين يوجعك من شتائم و تهزيق و سب يصل لحد الجد السابع.
عموماً لا أحب هذا النوع من البشر يسمونه بالإنجليزية -Extremist- لا يسعفني اللفظ العربي ربما تكون المتطرف.
عموماً المتطرفة و المتطرف (حباً) يكونون حينما ترضيهم أو تحبهم من أفضل الشخصيات لكن ياويل من يخرج برأي مخالف أو أراد كسر العلاقة بينه و بينهم فهي نهاية العالم حرفياً.

الخريف و الظلام -فنلندا-

الخريف يرتبط دوماً بالظلام و سقوط الورق حاجة بؤس بصراحة
و أيضاً سقوط المطر بكميات خرافية

في ثقافة الكره

يظهر جروب جديد -أنا باكره إسرائيل- هكذا يسمونه
و لكنني لا أكره إسرائيل أو غيرها. لم أعد أؤمن بالكره كوسيلة للتغيير
أؤمن بالعقل و التفكير و العمل هكذا تسير الصين و اليابان و ألمانيا و أمريكا
لست كارهاً لأحد بعد الآن أريحوا نفسكم لقد خسرتم واحد من الحاقدين القدامى!
هعهعهعهعهع

اليوم سأزرع شجرة أو سأعمل بكل طاقتي في الصيدلية.

اليوم سأتعلم شيئاً جديداً مفيداً

لن أكره أحداً و لن ألوم نفسي على تخاذل الأمة الذي يقرعنا به شخوخ الفضائيات المتخلفين جميعاً.
لست متخاذلاً و هكذا التاريخ يدور دورات و ليس ذنبي أننا لا نعمل و لدينا شيوخ يأكلون السحت في الفضائيات.
لا يدعون الناس للعمل و لكن يلومونهم و يقولون لهم دوماً السلف كانوا و السلف صنعوا؟؟

و كأن السلف كانوا بدون مشاكل و لم توجد لديهم فتن و إنهزامات و كأنهم كانوا ملائكة و الحقيقة أن القاريء للتاريخ يجد نفس المصائب و أسوأ لدى السلف بتاعهم.

إقرأوا التاريخ و إعملوا و إستقيموا و دعكم من أضغاث الماضي.

لن أكره أحد و لن أتعامل بالكره
أنا لا أكره إسرائيل و لكنني سأغير الواقع بعملي و عقلي.