الاثنين، 14 يونيو 2010
الناس الكُمّلْ
بصراحة أكثر ما يغيظني في حياتي همّا الناس الكُمّلْ.
تلاقي الرجل دايماً حاطط برفان آخر ألاجة و متجوز مزة من اللي بيطلعوا في التي ڤي زي مذيعة قناة العربية كدة المزة اللي جايبينها آخر مرة.(مش فاكر إسمها بس بت صاروخ)
و الإتنين لابسين أحلى لبس في الدنيا و معاهم عربية آخر نضافة و آخر موديل و بيت آخر شياكة و حاجة كدة عسل على شوكلاتة متشقلبة في آيس كريم.
بابقى نفسي أسألهم سؤال إنتوا بتجيبوا وقت منين عشان تلمعوا نفسكم كدة و تبقوا أنضف من الستانلس بتاع الغسالة.
النهاردة مزة جاية و معاها جوزها ماشيين قدامي في الشارع و أنا ماشي قرفان و معفن و لسة صاحي من النوم و معمص و حاجة آخر جرب.
إستوفاجأ بالناس دي ماشيين قدامي.
قعدت أفكر أنا لو معايا حاجة زي كدة هابقى سعيد طيب لو متجوز واحدة طول النهار مستحمية و متبرفنة و مشبرقة نفسها آخر حاجة.
مش عارف .....ممكن شوية..... بس مش لوقت طويل.
أصل أنا بأحب الفسيخ هاهاهاها و ما فيش واحدة من دول تحب حد بيحب الفسيخ.
الاشتراك في:
تعليقات الرسالة (Atom)
طبعاً يا محمد المال يؤسس للرفاهية الى ابعد مدى لكن السعادة امر اخر وقد يكون المال سبب السعادة وقد يكون العكس
ردحذفولكن المزة والروش اللى معاها ممكن يكونوا سعداء او العكس .. لكن الشيء الذي لا خلاف عليه انهم في مستوى معيشي مرفهة لا يحصل عليه الا طبقة اجتماعية معينة في مجتمع غير متوازن وغير عادل
وانا اقصد العالم العربي ولا اقصد الغرب لان الغرب لديهم غول اسمه النظام الراسمالي لكنهم ايضا لديهم شيء اسمه المساواة امام القانون وتكافؤ الفرص وحق العيش الكريم
فارس باشا
ردحذفعندك حق المال فعلاً قد يكون سبب للسعادة أو سبب لغير السعادة
بس فعلاً في ناس تنقط من كتر النضافة والشوكلاتة و القشطة والزبدة اللي بتسيح حواليهم
العالم العربي دة سيبك منه دة مش عالم أصلاً
ربنا يكرمنا و نعيش و نشوف فرصة واحدة لينا احنا الغلابة
اكيد ايمان بنوره هاهاها بصراحة البت مزة
ردحذفربنا يوعدك بواحدة قشطة وتحب الفسيخ هاهاها
وبنات العرب مزز مش عالم ايه بس الاجانب هما الى مقرفين بصراحة :$
يا عم دي ماتت في الحرب ايام هوجة عرابي الله يرحمه و يرحمها
ردحذفانا قصدي الموز بتاع اليومين دول مش بتاع ايام الهكسوس
و شكراً ليك يا باشا و اوعدنا يارب بدعوتك